لحظه دفا
لحظه صفا وسط الدفا قاعد لوحدى
لا حد جنبى ولا سامعلى غير نبض قلبى
باصص لبكره وف ايدى ذكرى
والفكره هربت من عندى
زياده عن شهر ممسكتش قلم
بشكل الحروف ورصه السطور قلبى حلم
كشكولى بسلك قاعد فى درج
وقلمى معايا اتظلم
اكتب عن ايه احكى فى ايه مفيش كلم
تاه الكلام راح العلام قلبى ضلم
قلت اما اكتب ومن نفسى اهرب
لابيا حب ولا حتى كره ولا الم
دورت فيا كمان شويا يمكن اشوف
احكى ياقلبى قول ايه مخبى من غير كسوف
قول يالسانى رد ياكيانى اوعاك تخبى
احكى بالجمله احكى كل كلمه
احكى وخلى كل شىء مكشوف
رد وقالى احكى عن ايه
يعنى كلامى هيفيد بأيه
يمكن يغير حالنا ويقدر
ولا هيفضل الحال كما عليه
قولى وجرب يمكن نقرب
يعنى اللى سكتوا عملوا ايه
خلاص هقول بلاش فضول
بس ياريت كلامى ما يطول
كان عندى حلم وبيا هم
وهى دى خلاصه القول
تعليقات