لو كنتى فاكره إن اللى فات اتنسى
يبأه إنتى ساذجه
أو كنتى فاكره إنى فاكرلك آسى
يبأه إنتى ساذجه
أو كنتى فاكره انى معاكى لغرض
أو إنى عايش طمعان ف خير إنقرض
يبأه إنتى ساذجه
دا أنا كل غرضى ف الحياه دى رضاكى
مهما آسيت ف الدنيا راحتى معاكى
بعدين تقولى إن آنا ندل معاكى
دا أنا كل ما آجى أديكى وشّى
تصدريلى أفاكى
خلينا نعمل إتفاق
من غير خناق
من غير ما نرفع حسّنا
ولا نصغّر نفسنا
من غير غباء
أنا جىّ عاوز النما جاى بإنتماء
أنا جى عاوزك إنما عايز وفاء
عايز آدبْ الفاس ف أى مكان ألاقى بحور
ملقاش أفاعى ولا تعابين ملقاش جحور
ملقاش مطاوى ع النواصى
ملقاش بهايم ع الكراسى
فهمانى ولّا أقول كمان .....!
نقول كمان
أنا جى عاوز أبعد مصايبك عنك
أنا جى عاوز احمى غرورك منك
أنا جى عاوزك بس محتاج منك
تبأى معايا ف وش كل الناس
محتاج تكونى معايا كدا وخلاص
من غير سلاح من غير نباح
من غير كلام لو حتى بالإشارات
محتاج عنيكى مفتّحه
من غير عماص
أنا ف الأساس واحد ضعيف مسكين
أنا إبن ناس زيّك مليش إتنين
مش ناوى أغيّر من ملامحى
ولا ناوى ألوّنلك ف قمحى
ولا ناوى أحط أيدى ف جمبى وأقولك انتى متعرفيش أنا إبن مين
أنا إبن نيل أنا إبن جيل
أنا إبن كلب إن عدت أقولك كلام جميل
جايلك وطالب مستحيل
نرجع سوا من غير جوى
من غير عويل
محتاج دليل
محتاج دليل يثبت غلاوتى عندك
محتاج حنان محتاج أمل
محتاج صراحه منك
محتاج لقربى منك محتاجلك أكتر منك
د أنا جاى لغاية عندك
ناوى مكنتش بخيل
ناوى أكون شلال ناوى أكون شيّال
وياريت أكون منشال لوقت جميل
أوعى تقولى إن كلامى تقيل
أو إنى بطلب مستحيل
وبعدهالك
أعمل إيه وياكى
دا أنا كل غرضى ف الحياه دى رضاكى
مهما آسيت ف الدنيا راحتى معاكى
بعدين تقولى إن آنا ندل معاكى
دا أنا كل ما آجى أديكى وشّى
تصدريلى أفاكى
يبأه تقوليلى آخر الحكايه معاكى
أحمد عادل
يبأه إنتى ساذجه
أو كنتى فاكره إنى فاكرلك آسى
يبأه إنتى ساذجه
أو كنتى فاكره انى معاكى لغرض
أو إنى عايش طمعان ف خير إنقرض
يبأه إنتى ساذجه
دا أنا كل غرضى ف الحياه دى رضاكى
مهما آسيت ف الدنيا راحتى معاكى
بعدين تقولى إن آنا ندل معاكى
دا أنا كل ما آجى أديكى وشّى
تصدريلى أفاكى
خلينا نعمل إتفاق
من غير خناق
من غير ما نرفع حسّنا
ولا نصغّر نفسنا
من غير غباء
أنا جىّ عاوز النما جاى بإنتماء
أنا جى عاوزك إنما عايز وفاء
عايز آدبْ الفاس ف أى مكان ألاقى بحور
ملقاش أفاعى ولا تعابين ملقاش جحور
ملقاش مطاوى ع النواصى
ملقاش بهايم ع الكراسى
فهمانى ولّا أقول كمان .....!
نقول كمان
أنا جى عاوز أبعد مصايبك عنك
أنا جى عاوز احمى غرورك منك
أنا جى عاوزك بس محتاج منك
تبأى معايا ف وش كل الناس
محتاج تكونى معايا كدا وخلاص
من غير سلاح من غير نباح
من غير كلام لو حتى بالإشارات
محتاج عنيكى مفتّحه
من غير عماص
أنا ف الأساس واحد ضعيف مسكين
أنا إبن ناس زيّك مليش إتنين
مش ناوى أغيّر من ملامحى
ولا ناوى ألوّنلك ف قمحى
ولا ناوى أحط أيدى ف جمبى وأقولك انتى متعرفيش أنا إبن مين
أنا إبن نيل أنا إبن جيل
أنا إبن كلب إن عدت أقولك كلام جميل
جايلك وطالب مستحيل
نرجع سوا من غير جوى
من غير عويل
محتاج دليل
محتاج دليل يثبت غلاوتى عندك
محتاج حنان محتاج أمل
محتاج صراحه منك
محتاج لقربى منك محتاجلك أكتر منك
د أنا جاى لغاية عندك
ناوى مكنتش بخيل
ناوى أكون شلال ناوى أكون شيّال
وياريت أكون منشال لوقت جميل
أوعى تقولى إن كلامى تقيل
أو إنى بطلب مستحيل
وبعدهالك
أعمل إيه وياكى
دا أنا كل غرضى ف الحياه دى رضاكى
مهما آسيت ف الدنيا راحتى معاكى
بعدين تقولى إن آنا ندل معاكى
دا أنا كل ما آجى أديكى وشّى
تصدريلى أفاكى
يبأه تقوليلى آخر الحكايه معاكى
أحمد عادل
تعليقات