بحبك بالدليل القاطع
بحبك حب من غير دافع
ما ليكى بديل
بــ حُبك كنت صاحب قصر
بــ حُبك كنت مرسوم نسر
فى قلب النيل
بحبك أيوا كدا وخلاص
بحبك حب ماله أساس
بحبك بس
ولو ليا معاكى حساب
ولو بتفكك حبه عتاب
واقول بالنص
بحبـــــك بس
وأخاف يرسم حدودك حد
فى قلبى كل حد وحد
ما ليكى حدود
ولو واقف قصادك حد
وحاول يبنى بينّا سد
يموت مؤود
بحبك كلمه سهله وحاسمه
علشان ببساطه ليكى كاريزما
تفوق الوصف
وآقول إسمك ما بين كل الآسامى يرنّ
ولو محتاج .. حروف إسمك عليا تمنّ
بحبّك نَــــسْــــف
بصوت رنان بينطق صوتك الشافى
حروف إسمك ومش كافى
آقول الله
و بـإستــآذان أنا أرفع إيدى وآكبر
وأحمِد ربنا وآشكر
حماكى الله
ياصوت الفجر بيأدّن
يامطرقه حاميه على معدن
بتحفر إسم
ياعود نعناع فـــ كوبايه
يافاكهه فريش ... منّجايه
تقوى الجسم
يارسمه ماتترسمش لعرض
ياصيف مايهديهوش البرد
ياغير مألوف
ياخط عمودى فوق الراس
لاليكى حدود ... لا ليكى أساس
بعينك آشوف
تعليقات