شالتنى م الفريندز

كانت دايما تلمح

بخانه فاضيه عندى
قالتلى انت سنجل ؟

قولتلها ايوه ياختى

شافت صورتى وقالت دا مش معقول جمالك

قولتلها انا عادى جداً ومجامله رقيقه منك

قالتلى شوفت صورتى والحسنه اللى فى خدّى

كتير جدا قالولى إن ليلى علوى شبهى

رجعت تانى تلمح عايزانى ابوح واصّرح

ليه راضى اعيش لوحدى

قالتلى ازاى دا يحصل

شكلك أمور وسكر

وسنك مش صغير

قولتلها انا براحتى

قالتلى شوفت خيبتى ! قولتلها مش اتخطبتى ؟؟

قالتلى راح لحاله وسابنى عايشه لوحدى

قولتلها الوحده صعبه بس الحب ماهواش لعبه

نصيبك راح يصيبك لو حتى فين ماروحتى

قالتلى وانت فكر دوّر حواليك وقرر

يمكن تلاقى واحده على بعدها ماتقدر

سألتنى سؤال نماذج انا ايه بالنسبالك ؟

قولتلها زى اختى معجبتهاش صراحتى

شالتنى م الفريندز كانت فاكرانى هانجز

وغيرت ايميلاتها وشالت الكومينتات والبوستز

 L وشالتنى م الفريندز L