بحب النظــــــــــام

بحب النظام ..... ومش بس أقولها مجرّد كلام

بحب النظام ...... ياريت بس نفهم صح الكلام

ومش أى حاجه كدا والسلام

بحب النظام

بحب الحكايه تكون مترتبه ومتظبطه

وماشيه  بــ نظام

دا يوم لما قلنا يسقط نظام

هدفنا ساعتها نسقط نظام ونوجد نظام

ومش بس نهتف كدا والسلام

بحب النظام

دا سر نجاحنا كان  الــ نظام

ولملمنا روحنا بواسطه   نظام

وثورنا بنظـــام ... وقولنا بنظام

يسقط ... نظام

وسر تعبنا وقلقنا وقرفنا

كان ... نظام

والكون دا كله ماشى

بـ نظام

فمتزعلش لما اقول ف الكلام

بحب النظـــــام

غُلبت ألاقى للثوره إسم

ألاقيلها جسم

عشان لما احب اوصفها بكلام

الاقى كلام 

ثورة جياع ... طب ما فى أغنيا

ثورة لصوص ... طب ما فى أوفيا

ثورة صليب .... طب ما فى أوليا

ثورة إخوان .... و فيها أقباط !!

أممم

ثورة  كوميديا .... طب والشهيد اللى مات ؟!

نهاية الكلااااام ..... دى ثورة

نظــــــــــــــــــام