حاسس كدا إنى خلاص بدأت أفقد أفئده
وهيجى يوم أعيش لوحدى وأرجع وأقول ياريتنى ماوصلت لكدا
حاجه كدا
ملهاش علاقه لا بمرض ولا إنكسار
ملهاش علاقه بالكلام إذا كان بجد أو هزار
حاجه كدا
معرفش ليه ..... حاسس كدا
فقدان أمل يمكن ملل أو حتى خوف
إحساس برعشه مخليانى أسب وألعن فـى الظروف
يمكن دا إحساس العمى من بعد شوف
أو حتى تأثير تهتهه ساعة التوتر لما كنت أفضل أدوّر ع الحروف
حاجه كدا
معرفش ليه ..... حاسس كدا
أنا طول حياتى عندى مبدأ البشر أهم ياما من الفلوس
وكل حلم أحلمه يطلعلى فى الآخر كابوس
حمّال أسيّه ياريتنى بتعلم دروس
ومهما كان الحظ ياما فى النهايه انا منحوس
حاجه كدا
معرفش ليه .... حاسس كدا
تعليقات