مكتوب على وشى كلام يمكن يتحوّل تدريجى لشعارات
مكتوب هنتخب المتمكن اللى يحقق أى معادلات
مكتوب على وشى بالجاف
رايح أنتخب الشفاف
اللى يرجّع حق الشهدا
ويجمّد قلب الخواف
مكتوب على وشى بألوان
هنتخب الحر الفنان
راسم علمك جوا ملامحه
والنسر فى قلبك عنوان
مكتوب على وشى بحنيه
ناكر لمصالحى الشخصيه
والمستقبل فى إيديه اجمل
من غير شعارات متغميّه
بتمنى يولّى من يصلح
والشعب يكون كدا متفتح
بيفكر قبل ما يتكلم
ويحلل كل شخصيه
مطلوب منه إنه تنوّر بصيرتنا بعلوم عصريه
يبنى يعلّى يعيد ويطوّر كل الأمجاد المصريه
مطلوب منه يكون إنسان
حاسس بحياة الغلبان
مطلوب منه يكون صاحى
ويدواى ألامى وجراحى
وبإيدى هياخد و يغير
أنا صوتى لحمدين صبّاحى
تعليقات